رياض- 25 جنوري (اي پي پي) يمن جي تعمير ۽ ترقي لاءِ سعودي پروگرام ۽ گڏيل قومن جي ترقياتي پروگرام يو اين ڊي پي وچ ۾ گڌيل سهڪار جي حوالي سان مفاهمت جي ياداشت نامي تي صحيحون ڪيو ويون آهن. ميڊيا رپورٽن موجب سعودي عرب پاران مفاهمتي ياداشت نامي تي صحيحون پروگرام جي نگران اعلي انجنيئر حسن العطاس ۽ يو اين ڊي پي پاران ان جي نمائندي زينه علي احمد ڪيون، مفاهمت جي ياداشت نامي هيٺ گڏيل ترقياتي قدمن ۽ منصوبن تي عملدرآمد سان گڏ وگڏ ڌرين وچ ۾ تجربن جي مٽاسٽا ڪئي وئي ويندي،جڏهن ته يمن ۾ ادراجاتي صلاحيت وڌائڻ جي ڪوشش ڪئي ويندي، سعودي عرب جون 40 کان وڌيڪ ڪمپنيون يمن جي مقامي ادارن ۽ علائقائي ۽ عالمي تنظيمن سان گڏجي ڪم ڪنديون، ياد رهي ته يمن جي تعمير ۽ ترقي جي سعودي پروگرام هيٺ اٺن اهم شعبن ۾ 229 کان وڌيڪ ترقياتي منصوبن تي عملدرآمد ڪيو ويو آهي.
