کراچی ۔ 12 اگست (اے پی پی) پاکستان پیپلزپارٹی دےچیئرمین بلاول بھٹو زرداری آکھیے پاکستان دا ساریں توں وݙا سرمایہ نینگر ہن ، ساݙے نینگر ملک دے بہتر مستقبل دی ضمانت ہن، نینگر ہر چیلنج دا مقابلہ اتے ہر شعبے اچ قیادت کیتے پرعزم ہن،ہݨ پاکستان دی ترقی کوں کوئی نی روک سڳدا ۔میڈیا سیل بلاول ہاؤس توں جاری بیان موجب اے ڳالھ انہاں نینگراں دے عالمی ݙینھ تے آپݨے سنھیے اچ آکھی اے ۔بلاول بھٹو زرداری آکھیے پورا یقین اے، نینگر نسل خوشحال، مضبوط اتے ترقی پسند پاکستان دی تعمیر کیتے ہر شعبے اتے محاذ تے قیادت دی صلاحیت رکھیندی اے ۔پاکستان خوش نصیب ملک اے جو ایندی 63 فیصد توں ودھ آبادی 15 توں 33 سال دی عمر دی ہے ۔بلاول بھٹو زرداری آکھیے قائدِ عوام شہید بھٹو اپݨے دورِ وزارتِ اعظمیٰ اچ نینگراں کوں جتنیاں نوکریاں ݙتن ایں توں پہلے کݙاہیں ایویں نی تھیا۔
