اسلام آباد۔7دسمبر(اے پی پی) اسپیکر قومی اسمبلی راجہ پرویز اشرف آکھیے جو قومی سلامتی پالیسی (این ایس پی) دے نفاذ کیتے قومی اتے سیاسی اتفاق دی لوڑھ اے ۔ سیاسی اتفاق ہی این ایس پی اہداف دے حصول دا واحد رستہ اے۔ اے ڳالھ انہاں ٻدھ کوں وفاقی وزیر پارلیمانی امور مرتضیٰ جاوید عباسی نال ملاقات اچ آکھی اے ۔ سپیکر قومی اسمبلی راجہ پرویز اشرف آکھیے جو پاکستان کوں عالمی موسمیاتی چیلنجز دا سامݨا اے کیوں جو اڄوکے تباہ کن سیلاباں توں جانی و مالی ضیان تھئے ۔ انہاں آکھیے سماجی و اقتصادی چیلنجاں نال نبݨݨ کیتے ، خوراک اتے پاݨی دا تحفظ بے حد اہم۔ عام آدمی دی خوشحالی اتے قومی سلامتی پالیسی جیہے اہداف دے حصول کیتے قومی اتفاق رائے ضروری اے۔ وفاقی وزیر پارلیمانی امور مرتضیٰ جاوید عباسی آکھیے جو پارلیمنٹ ہی واحد پلیٹ فارم اے جتھاں سیاسی اتفاق پیدا کیتا ونڄ سڳدے ۔ انہاں آکھیے ملک دی ترقی اتے قومی مسئلیں تے سیاسی رہنماواں اتے سیاسی جماعتاں دے درمیان اتفاق رائے نال جڑی اے ۔ انہاں ایں سلسلے اچ سپیکر قومی اسمبلی دی طرفوں تعاون دی تعریف کیتی۔
