سلام آباد۔15مارچ (اے پی پی) الیکشن کمیشن پیپلز پارٹی تے مسلم لیگ (ن) دے اکائونٹس اتے اثاثیں دی جانچ پڑتال کیتے نویں سروں سکروٹنی کمیٹی بݨا ݙتی اے ۔ الیکشن کمیشن دی طرفوں منڳل کوں جاری تفصیل موجب ڈی جی قانون محمد ارشد سکروٹنی کمیٹی دے چئیرمین ہوسن ، ایڈیشنل سیکرٹری ایڈمن منظور اختر ملک، ڈی جی پولیٹیکل فنانس ونگ مسعود اختر شیروانی رکن کمیٹی ہوسن ، آڈیٹر جنرل آف پاکستان دے خرم رضا قریشی وی کمیٹی دے رکن ہن۔ مسعود اختر شیروانی کوں آڈیٹر جنرل آف پاکستان توں ریٹائرمنٹ تے بطور ڈی جی فنانس ونگ الیکشن کمیشن ول بھرتی کیتا ڳئے ۔ سکروٹنی کمیٹی پاکستان مسلم لیگ ن، پاکستان پیپلز پارٹی پارلیمنٹرین، پاکستان پیپلز پارٹی یا کہیں ٻئی سیاسی جماعت دے اثاثیں دی جانچ پڑتال کریسی۔
