اسلام آباد۔20نومبر (اے پی پی) وزیراعظم محمد شہباز شریف آکھیا جو اساں رل تے پولیو سویں چیلنج کوں ہراوݨے، جلدی پاکستانی پولیو فری ملک ٻݨ ویسی۔ وزیراعظم آفس دے میڈیا ونگ توں جاری بیان موجب وزیراعظم محمد شہباز شریف نال پولیو اوور سائیٹ بورڈ دے وفد ملاقات کیتی۔ وفد اچ بل اینڈ میلینڈا گیٹس فائونڈیشن دے نمائندہ کرسٹوفر ایلیاس،عالمی ادارہ صحت دے ریجنل ڈائریکٹر ڈاکٹر حنان بلخی ، یونیسیف روزا دے ریجنل ڈائریکٹر سنجے وجیسیکارا ، سینٹر فار ڈیزیز کنٹرول اینڈ پریوینشن دی ڈپٹی ڈائریکٹر اینڈریا فرسٹڈٹ،روٹری فائونڈیشن دے ٹرسٹی و نیشنل چیئر عزیز میمن، کنگ سلمان ہیومنیٹیرین اینڈ ریلیف سینٹر دے ڈاکٹر زیاد میمش اتے کے ایس ریلیف دے ہیلتھ و انوائرمنٹل ایڈوائزر ڈاکٹر عبداللہ صالح شامل ہن۔ وزیراعظم پاکستان آوݨ تے اتے پولیو دے خاتمے دی کوششاں اچ حکومت پاکستان دا ساتھ ݙیوݨ تے وفد دا شکریہ ادا کیتا۔ وزیراعظم کنگ سلمان فائونڈیشن ، بل اینڈ میلینڈا گیٹس فائونڈیشن ، روٹری فائونڈیشن ، یونیسیف اتے سی ڈی سی دا شکریہ ادا کیتا۔ وزیراعظم آکھیا اساں رل تے پولیو سویں چیلنج کوں ہراوݨے، جلدی پاکستانی پولیو فری ملک ٻݨ ویسی۔ ۔وزیراعظم پولیو دے خاتمے کیتے سارے وزراء اعلیٰ و چیف سیکرٹریز دی کارکردگی دی تعریف کیتی۔ وفد انسداد پولیو بارے وزیراعظم اتے انہاں دی ٹیم دی کوششاں دی تعریف کیتی۔ بل اینڈ میلینڈا گیٹس دے نمائندے ڈاکٹر کرسٹوفر ایلیاس آکھیا جو پاکستان دی پولیو بارے اڄوکی حکمت عملی تے بہتر طریقے نال عمل تھیندا پئے۔ جلدی پولیو کیسز ڳھٹ تھیوݨ پئے ویسن۔ عالمی ادارہ صحت دے نمائندہ ڈاکٹر حنان بلخی آکھیاجو صحت عامہ بارے خطے دے ملکاں کوں رابطے بہتر کرݨ دی لوڑھ اے۔ بریفنگ اچ ݙسیا ڳئیا جو وزیراعظم دی ہدایت تے اجوکی انسداد پولیو مہم دا تھرڈ پارٹی آڈٹ کروایا ڳئے۔ ملک دے جیڑھے علاقیاں اچ ٻالاں اچ پولیو ویکسین دی شرح بہتر اے اتھاں پولیو دا پھیلاؤ ڳھٹ اے۔ ملاقات اچ وزیراعظم دے کوآرڈینیٹر برائے قومی صحت ڈاکٹر مختار احمد بھرتھ، وزیراعظم دی فوکل پرسن برائے انسداد پولیو عائشہ رضا فاروق اتے متعلقہ اعلیٰ سرکاری افسرشریک تھیے۔
.jpg)
.jpg)
