اسلام آباد۔5جنوری (اے پی پی) نگران وزیراعظم انوار الحق کاکڑ ٻاہرلے ملک پاکستانی سفارتخانیاں اتے مشنز کوں ہدایت کیتی اے جو ٻاہرلے سرمایہ کاروں کوں راغٻ کرݨ کیتے روڈ شوز کرائے ونڄن اتے سمندر پار پاکستانیاں کوں سرمایہ کاری دی ترغیب ݙتی ونڄے۔ اے ہدایت انہاں امریکا اچ پاکستان دے سفیر مسعود خان اتے برطانیہ اچ پاکستان دے ہائی کمشنر ڈاکٹر محمد فیصل نال ڳالھ مہاڑ کریندیں ہوئیں آکھی جنہاں جمعے کوں انہاں نال ملاقات کیتی۔ ملاقات اچ مسعود خان اتے ڈاکٹر محمد فیصل وزیراعظم کوں آپݨے مشنز دی کارکردگی بارے ݙسیا اتے وزیراعظم توں خارجہ پالیسی بارے ہدایت ڳھدی۔
