اسلام آباد۔15دسمبر(اے پی پی):نگران وفاقی وزیر داخلہ و انسداد منشیات سرفراز احمد بگٹی اینٹی نارکوٹکس فورس اکیڈمی دا دورہ کیتے تے اینٹی نارکوٹکس فورس اکیڈمی اچ فارنزک لیب دا افتتاح کرݙتے۔سیکرٹری وزارت انسداد منشیات منیر اعظم تے ڈائریکٹر جنرل اینٹی نارکوٹکس فورس میجر جنرل محمد انیق الرحمان ملک وفاقی وزیر دا استقبال کیتا۔ایں موقع تے وزیر داخلہ کوں اینٹی نارکوٹکس فورس اکیڈمی اتے فارنزک لیب تے کمانڈنٹ اکیڈمی دی طرفوں تفصیلی بریفنگ ݙتی ڳئی ۔نگران وفاقی وزیر سرفراز احمد بگٹی اینٹی نارکوٹکس فورس اکیڈمی اچ فارنزک لیب دے قیام کوں خوش آئند قرار ݙیندے ہوئیں آکھیے جو ایں لیب دے قیام اچ حکومت چین دے تعاون تے مشکور ہیسے ، ایں لیب دے قیام نال انسداد منشیات دے حوالے نال مختلف ٹیسٹ اتے رپورٹاں دے جاری کرݨ اچ سوکھ تھیسی جیں نال مجرماں کوں توڑ پڄاوݨ اچ مدد ملسی ، قیمتی ویلھا بچسی تے ڈیٹا کوں کٹھا کیتا ویسی ۔
