اسلام آباد – 04 اپريل (اي پي پي) صدر ڊاڪٽر عارف علوي نوجوانن خاص طور تي شاگردن تي زور ڏنو آهي ته اهي پنهنجي عملي زندگي ۾ معاشري جي ترقي جي لاءِ پنهنجون سموريون صلاحيتون استعمال ۾ آڻين، نوجوانن کي علم ۽ تحقيق تي ڌيان ڏيندي موجوده وقت جي گهرجن موجب پنهنجو پاڻ کي درپيش چئلينجن کي منهن ڏيڻ جي لاءِ تيار رکڻو پوندو، ٽيڪنالاجي جي حوالي سان وڏيون تبديليون اچي رهيون آهن، ان ڏس ۾ پاڪستاني نوجوانن کي پنهنجو موثر ڪردار ادا ڪرڻو پوندو. اهڙن خيالن جو اظهار هن نيشنل يونيورسٽي آف ماڊرن لينگئيجز (نمل) جي 14 هين ڪانووڪيشن کي خطاب ڪندي ڪيو.
