اسلام آباد۔ 21 دسمبر(اے پی پی) چیئرمین این ڈی ایم اے لیفٹیننٹ جنرل انعام حیدر ملک آکھیے مستقبل اچ سیلابی صورتحال نال نبݨݨ کیتے بہتر منصوبہ بندی اتے ہم آہنگی دی لوڑھ اے ۔ اے ڳالھ انہان این ڈی ایم اے دے زیر اہتمام پوسٹ اوݨ سیزن 2022 توں متعلق جائزہ کانفرنس توں خطاب اچ آکھی اے ۔ کانفرنس اچ مختلف وفاقی و صوبائی محکمیں اڄوکے سیلاب دے دوران ریسکیو ، ریلیف اتے بحالی دیاں سرگرمیاں دے دوران درپیش مسئلیں تے چیلنجز تے انہاں دے ممکنہ حل متلعق اپݨی تجاویز و سفارشات دا فورم کوں ݙسیا ۔ اڄوکے ساوݨ مینھ دے اثرات اتے جائزہ متلعق نیشنل ایمرجنسی آپریشنز سینٹر اچ منعقدہ قومی کانفرنس دی صدارت چیئرمین این ڈی ایم اے لیفٹیننٹ جنرل انعام حیدر ملک کیتی۔ قومی فلڈ کمیشن ، محکمہ موسمیات ، سپارکو، پاکستان ریلویز ، نیشنل ہائی وے اتھارٹی،صوبائی ڈیزاسٹر مینجمنٹ اتھارٹیز ، ریسکیو 1122 اتے ٻئے متعلقہ اداریں دے نمائندیں کانفرنس اچ شرکت کیتی۔کانفرنس اچ اڄوکے سیلاب دے دوران ریسکیو اتے امدادی سرگرمیاں دے دوران پیش آوݨ آلے چیلنجز، مسئلیں تے انہاں دے ممکنہ حل دا جائزہ ڳھدا ویسی۔متعلقہ وفاقی اداریں اتے چارے صوبیں، آزاد کشمیر، گلگت بلتستان دی صوبائی ڈیزاسٹر مینجمنٹ اتھارٹیز اتے ریسکیو 1122 سیلاب اڄوکے سیلاب دی وجوہات اتے مستقبل اچ ایں صورتحال توں بچݨ کیتے تجاویز اتے سفارشات پیش کیتن۔ ایں موقع تے آپݨے خطاب اچ چیئرمین این ڈی ایم لیفٹیننٹ جنرل انعام حیدر ملک آکھیے جو سیلاب دی تباہ کاریاں تے قابو پاوݨ تے ملک و قوم کوں مزید جانی و مالی ضیان توں بچاوݨ تے سارے سول و عسکری ادارے تحسین دے مستحق ہن ۔
