اسلام آباد۔12اکتوبر(اے پی پی)وفاقی وزیر تجارت سید نوید قمر آکھیے جو حکومت ساریاں ہمسایہ ریاستاں نال سیاسی، سفارتی و تجارتی تعلقات ٻیا ودھاوݨ چاہندی اے۔ اے ڳالھ انہاں یورپی یونین دے فنڈ ریڈی 4 ٹریڈ سینٹرل ایشیا دے فریم ورک اچ انٹرنیشنل ٹریڈ سینٹر ولوں سنگل ونڈوز دے نفاذ اتے انتظام بارے پیر لرننگ انیشیٹیو نال خطاب اچ آکھی۔ قازقستان، کرغز جمہوریہ، تاجکستان، ازبکستان اتے پاکستان دے تجارتی عہدیداراں فورم اچ شرکت کیتی۔ وفاقی وزیر تجارت آکھیا جو تجارت و ٹرانسپورٹ کیتے قومی سنگل ونڈو ہک بہترین فورم اے جیڑھا سرحد پار تجارت سانڳے مختلف اسٹیک ہولڈرز وچال معلومات کیتے ہک ڈیجیٹل پلیٹ فارم ݙیندے، ایںدے کیتے سارے طریقہ کار، ریگولیٹری اتے معلومات (لائسنسنگ، ایکسپورٹ سرٹیفکیٹس اتے پرمٹ) دی لوڑھ پوری کرݨ سودھا کسٹم ڈیکلریشن اچ مدد ملسی۔ ایں فورم دا مقصد انہاں ملکاں اچ این ایس ڈبلیوز دی ترقی اتے نفاذ یقینی ٻݨاوݨ اے جو ہک ٻئے دے تجربیاں نال تجارت کوں اڳونہا کیتا ونڄے۔
