اسلام آباد۔25مئی (اے پی پی):وزیر اعظم محمد شہباز شریف فلسطینی عوام دی جدوجہد دی حمایت دا اعادہ کریندے ہوئیں آکھیے جو عالمی عدالت انصاف دا غزہ اتے رفح تے اسرائیلی جارحیت روکݨ دا فیصلہ تعریف دے قابل اے ،امید اے عالمی برادری ایویں کشمیر دے محکوم عوام تے وی توجہ ݙیسی ۔سماجی رابطے دی ویب سائٹ ایکس تے آپݨے ٹویٹ اچ وزیر اعظم آکھیے غزہ اتے رفح اچ جنگ بندی دے حوالے نال عالمی عدالت انصاف دا فیصلہ چنڳاں اے ،پاکستان دی طرفوں فلسطینی جدوجہد دی مکمل حمایت کریندوں ۔انہاں آکھیے اساں امید کریندوں جو بھارت دے غیر قانونی قبضے اچ کشمیر دے محکوم عوام تے وی ایویں توجہ ݙتی ویسی جیڑھے ست ݙھاکیں توں بھارتی ظلم وستم دا سامݨا کریندے پئن تے انہاں کوں انہاں دے بنیادی حق توں مسلسل محروم رکھیا ویندا پئے۔
