اسلام آباد۔8فروری(اے پی پی)نگران وفاقی وزیر اطلاعات، نشریات و پارلیمانی امور مرتضیٰ سولنگی کامیابی نال عام انتخابات 2024ء کراوݨ تے قوم کوں مبارک ݙیندے آکھیے جو وݙی تعداد اچ لوکاں دا ووٹ پاوݨ ساݙی جمہوریت دی مضبوطی دا ثبوت اے، لوکاں وݙی تعداد اچ انتخابی عمل اچ حسہ ڳھدے اتے جمہوریت نال اپݨی وابستگی، قومی ذمہ داری اتے اپݨے ووٹ دی طاقت تے یقین ݙکھائے۔ وفاقی وزیر اطلاعات آکھیے جو اڄ قوم ساݙے جمہوری سفر اچ ہک نویں تاریخ لکھی اے، پر امن انتخابات سارے فریقین دی اجتماعی کوششاں دا نتیجہ اے، انہاں بین الاقوامی میڈیا، مبصرین، مقامی میڈیا اتے فیلڈ اچ موجود صحافیاں دا وی خصوصی شکریہ ادا کریندے آکھیے جو ایندے نال عالمی سطح تے ساݙے انتخابی عمل اچ شفافیت اتے اعتبار کوں ودھاوݨ اچ مدد ملی اے۔انہاں آکھیا جو اساں رل تے مستقبل دیاں نسلاں کیتے ہک مضبوط، زیادہ خوشحال اتے جمہوری پاکستان ٻݨیسوں۔
