اسلام آباد۔29دسمبر(اے پی پی) دفتر خارجہ دی ترجمان ممتاز زہرہ بلوچ آکھیے پاکستان اقوام متحدہ دی سلامتی کونسل دی متعلقہ قرارداداں دے مطابق کشمیر جھیڑے دے تصفیے کیتے ہرممکن کوششاں جاری رکھیسی۔ ہفتہ وار پریس بریفنگ اچ انہاں آکھیے اڄوکے سال وی بھارت کشمیریاں دے حقوق اتے آزادی دی جدوجہد کوں دٻاوݨ کیتے فوجی طاقت دا استعمال کریندا رہیا ، پاکستان پورے سال اچ سرے متعلقہ ݙوطرفہ اتے علاقائی فورمز دے نال نال بین الاقوامی سطح تے وی کشمیری عوام کیتے آواز چاتی ، پاکستان بھارت دے غیر قانونی طور تے قبضے اچ جموں و کشمیراچ انسانی حقوق دی سنگین خلاف ورزیاں دے خاتمے اتے کشمیری عوام دی خواہشات تے اقوام متحدہ دی سلامتی کونسل دی متعلقہ قرارداداں دے مطابق ھک منصفانہ حل دا مطالبہ کیتے۔ انہاں آکھیے او آئی سی وزراءکونسل دے 48 ویں اجلاس اتے جموں و کشمیرتے او آئی سی رابطہ گروپ جھیڑا جموں و کشمیر تے اہم قرارداداں منظور کیتن اتے ایکشن پلان تے اتفاق کیتے۔ ترجمان آکھیے اڄوکے سال 11 دسمبر کوں او آئی سی دے سیکرٹری جنرل مظفر آباد اتے لائن آف کنٹرول دا دورہ کیتے جیڑھا بھارت دے غیر قانونی زیر تسلط جموں و کشمیر دی صورتحال بارے تنظیم دی مسلسل تشویش دا ھک ٻیان مظہر ہئی ۔ انہاں آکھیے پاکستان اقوام متحدہ دی سلامتی کونسل دی متعلقہ قرارداداں دے مطابق جموں و کشمیر جھیڑے دے تصفیہ کتے ہرممکن کوششاں جاری رکھیسی ۔
