اسلام آباد۔19اکتوبر (اے پی پی) وزیر دفاع خواجہ محمد آصف دی بلوچستان دے مسئلے تےاعلیٰ سطح دے کمیشن ٻݨاوݨ دی تجویز دی حمایت کیتی اے۔ بدھ کوں قومی اسمبلی اچ ڳالھ کریندیں ہوئیں وفاقی وزیر آکھیا جو اختر مینگل جیڑھی بحث شروع کیتی اے او صرف تقریراں تئیں نی رہݨی چاہیدی۔ میݙی تجویز اے جو، سپریم کورٹ عدلیہ دا کوئی جج جیڑھا بلوچستان توں ہووے، دی اڳواݨی اچ کمیشن ٻݨایا ونڄے اتے ایں کیتے ٹی او آر دا تعین وی کیتا ونڄے۔ وزیر دفاع آکھیا جو دہشت گردی دے خلاف جنگ اچ پاکستان قربانیاں ݙتن اتنی قربانیاں کہیں ملک نی ݙتی۔ پچھلے ترائے مہینے اچ اساݙے 53 فوجی افسر اتے نینگراں قربانیاں ݙتن۔ دہشت گردی دے خلاف جنگ اچ پاکستان ہراول دستے وانڳ لڑدا پے۔ انہاں قربانیاں کوں ساکوں ضائع نی کرݨا چاہیدا۔ ملتان ہسپتال اچ جیڑھا واقعہ تھیے اوں تے پوری قوم شرمسار اے، میݙی پنجاب حکومت توں اپیل اے جو ایں واقعے دی تحقیقات کرے۔ انہاں آکھیا جو کیشن بارے کابینہ اچ وی ڳالھ کریسوں۔
