اسلام آباد۔30مئی (اے پی پی) وزیراعظم شہباز شریف ، ہائیر ایجوکیشن کمیشن دی بحالی اتے بجٹ 23-2022 اچ کٹوتی نہ کرݨ دی ہدایت کریندیں ہوئیں آکھیا جو ہائیر ایجوکیشن کمیشن کوں مسلم لیگ (ن) دے سابق دور دی طرز تے فعال ٻݨایا ونڄے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم ، ہائیر ایجوکیشن کمیشن بارے وزارت منصوبہ بندی اتے خزانہ کوں ہدایت ݙتی اے۔ وزیراعظم ہدایت کیتی جو ہائیر ایجوکیشن کمیشن دے بجٹ اچ گزریل چار سالیں اچ کٹوتیاں اعلیٰ تعلیم تے منفی اثر پاتے۔ ایں عمل کوں ریورس کیتا ونڄے۔ ملک دی یونیورسٹیاں اچ تعلیمی پراجیکٹس دی بحالی تے توجہ ݙتی ونڄے۔ ہائیر ایجوکیشن کمیشن کوں سابق دور دی طرز تے بحال، بجٹ23-2022 اچ کوئی کٹوتی نہ کیتی ونڄے۔
