اسلام آباد۔21مئی (اے پی پی):وفاقی وزیر مواصلات و پوسٹل سروسز مراد سعید آکھیے جو 70 سالاں تے مشتمل پاک چین دوستی اساݙا ساریں توں عظیم قومی اثاثہ اے، چین اساݙا ساریں توں پراݨا یار اے جیں ہر اوکھے ویلھے وطن عزیز دا ساتھ ݙتے، مسئلہ کشمیر دے حوالے نال ہر فورم تے پاکستان دے موقف دی حمایت تے اساں چین دی قیادت اتے چینی سفارتخانے دا شکریہ ادا کریندوں ، پاک چین سفارتی تعلقات دی 70 ویں سالگرہ دے موقع تے جیڑھا یادگاری ٹکٹ پاکستان پوسٹ جاری کریندا پئے ، اے ایندی فقیدالمثال دوستی دی ھک یادگار اے۔ اے ڳال انہاں ڄمعے کوں پوسٹل سٹاف کالج اچ پاک چین سفارتی تعلقات دے قیام دی 70 ویں سالگرہ دے موقع تے پاکستان پوسٹ ولوں جاری پہلے یادگاری ٹکٹ دے اجراء دی تقریب توں خطاب کریندے ہوئیں آکھی اے ۔ پاکستان اچ چین دے سفیر نونگ رونگ، وفاقی سیکرٹری مواصلات ڈاکٹر ظفر حسن اور ڈائریکٹر جنرل پاکستان پوسٹ خالد جاوید وی ویں موقع تے موجود ہن ۔
