اسلام آباد ۔ 05نومبر (اے پی پی)امور داخلہ دے وزیرمملکت طلال چوہدری آکھیا ہے جو حکومت نویاں حلقہ بندیاں متعلق قانون سازی دے حوالے نال حزب اختلاف دیاں جماعتاں دے سارے تحفظات تے اعتراضات دور کریسی۔اتوار کوں انہاں اپنڑے بیان اچ آکھیا جو حکومت پارلیمنٹ اچ موجود ساریاں سیاسی جماعتاں توں نویاں حلقہ بندیاں متعلق قانون سازی دے حوالے نال انہاں دی صلاح گھدی ہے ۔طلال چوہدری آکھیا جو حزب اختلاف کوں کہیں وی ایجھے قدم توں پرے رہنڑاں چاہیدے جیرھا جو اگلے عام انتخابات اچ دے انعقاد اچ کہیں تاخیردا باعث بنڑے ۔
