اسلام آباد۔19ستمبر (اے پی پی):ملک دے سیلاب توں متاثرہ علاقیں اچ وفاقی و صوبائی حکومتاں،مسلح افواج تے امدادی ادارے ریسکیو، ریلیف تے بحالی دے کماں تے مامور ہن ۔این ایف آر سی سی موجب ملک دے سیلاب توں متاثرہ علاقیں اچ مجموعی طورتے 12735کلومیٹر سڑکاں تے 374 پلاں کوں ضیان پڄے ، ساریں توں ودھ متاثرہ علاقیں اچ سندھ دے علاقے قنبر شہداد کوٹ، جیکب آباد،لاڑکانہ، خیر پور، دادو، نوشہرو فیروز، ٹھٹھہ تے بدین جݙاں جو بلوچستان دے متاثرہ علاقیں اچ کوئٹہ، نصیرآباد، جعفر آباد، جھل مگسی، بولان،صحبت پور اتے لسبیلہ ،تے خیبر پختونخوا دے علاقیں اچ دیر، سوات، چارسدہ، کوہستان، ٹانک اتے ڈیرہ اسماعیل خان تے پنجاب اچ ڈی جی خان تے راجن پور شامل ہن ۔پاک فوج دی متاثرہ علاقیں اچ تکھے امدادی سرگرمیاں جاری ہن۔متاثرین کوں کڈھݨ کیتے آرمی ایوی ایشن دے ہیلی کاپٹرز دی ہݨ تئیں 569 پروازاں چلائیاں ڳئن ۔24 گھنٹے اچ 12 پروازاں دی مدد نال 18.4 ٹن راشن متاثرین کوں پڄایا ڳئے ۔آرمی ایوی ایشن دے ہیلی کاپٹرز ہݨ تئیں 4653 متاثرین کوں ریسکیو کر چکن ، سندھ، جنوبی پنجاب تے بلوچستان اچ پاک فوج دے 147 ریلیف کیمپس کم کریندے پئن ، پورے ملک اچ پاک فوج دے 220 ریلیف آئٹمز کولیکشن پوائنٹس تے امدادی چیزاں دی وصولی اتے تقسیم دا عمل وی جاری اے۔ای ایف آر سی سی موجب ہݨ تئیں 9563.6 ٹن راشن تے 1619.7 ٹن چیزاں دی لوڑھ دے نال 9177878 دوائیں جمع کر ڳھدیاں ڳئن،9365 ٹن خوراک، 1585 ٹن ضرورت دیاں چیزاں اتے 8832678 دوائیں ݙتیاں ڳئن ۔پاک فوج دے 300 توں ودھ میڈیکل کیمپس اچ 3 لکھ 19 ہزار 49 متاثرین دا علاج معالجہ، مفت دوائیں دی وی فراہمی جاری اے ۔ پاک بحریہ دے 4 فلڈ ریلیف کوآرڈینیثن سنٹر تے 18 سنٹرل کولیکشن پوائنٹس وی متحرک ہن، بحریہ دی طرفوں 1600 ٹن راشن، 5512 خیمے اتے 717756 لٹر پیوݨ دا صاف پاݨی ݙتا ڳئے ۔پاک بحریہ دی طرفوں 11 ٹینٹ سٹیز اچ 19727 کوں رہائش ݙتی ڳئی اے ۔پاک بحریہ دیاں 23 ایمرجنسی ریسپانس ٹیماں 10 ضلعیں اچ مصروف عمل ہن تے ہݨ تئیں 15358 لوکاں کوں ریسکیو کیتا ڳئے ۔پاک بحریہ دی ایمرجنسی ریسپانس ٹیمز 46 موٹرائزڈ کشتیاں تے2 ہوور کرافٹس دے نال کم کریندیاں پئن ،اندرلے سندھ اچ پاک بحریہ دے 2 ہیلی کاپٹر وی مصروف عمل ہن ۔پاک بحریہ دے ہیلی کاپٹرز 62 پروازاں دی مدد توں 475 لوکاں کوں ریسکیو کیتا ۔پاک نیوی دے ہیلی کاپٹرز دی مدد نال 4811 پیکٹس راشن وی تقسیم کیتا ڳئے ۔پاک بحریہ دیاں 8 غوطہ خور ٹیماں دے متاثرہ علاقیں اچ 27 ڈائیونگ آپریشنز کیتے ڳئن ۔
