بغداد۔5جون (اے پی پی):وزیر خارجہ بلاول بھٹو زرداری عراق دے ترائے ݙینھ دے سرکاری دورہ دے موقع تے عراقی صدر ڈاکٹر عبداللطیف رشید نال سنوار کوں ملاقات کیتی ۔ دفتر خارجہ موجب وزیر خارجہ دی عراقی صدر ڈاکٹر عبداللطیف رشید نال اے ملاقات بغداد اچ تھئی ۔ ملاقات اچ پاکستان اتے عراق دے درمیان موجودہ تعلقات تے اطمینان دا اظہار کیتا ڳئے ۔ وزیر خارجہ بلاول بھٹو زرداری اتے عراقی صدر سانجھے تعاون دے سارے شعبیں اچ رل تے کم کرݨ تے اتفاق کیتے ۔ ایں موقع تے وزیر خارجہ بلاول بھٹو زرداری آکھیے پاکستان اتے عراق دے درمیان احترام اتے روایات تے مبنی گھاٹے برادرانہ نیڑے تعلقات ہن ۔
