اٹک۔5نومبر(اے پی پی)وزیراعظم عمران خان آکھیے جو ساݙا مقابلہ مافیاز نال اے، کرپشن تے کوئی رعایت نہ ملسی، کہیں وی حکومت غریباں کیتے اتنا کم نعین کیتا جتنا اسان کریندے پئے ہیں، غریب عوام تے ٻھار ڳھٹاوݨ کیتے حکومت 450 ارب دا خسارہ آپ برداشت کریندی پئی اے۔ اے ڳالھ انہاں ضلع اٹک دی پی ٹی آئی قیادت نال ملݨ ویلھے آکھی۔ وزیر اعلی پنجاب سردار عثمان بزدار، صوبائی وزیر صحت ڈاکٹر یاسمین راشد، ممبر قومی اسمبلی میجر (ر) طاہر صادق، اراکین پنجاب اسمبلی سید یاور بخاری، ملک محمد انور، ملک جمشید الطاف اتے پی ٹی آئی اٹک دی پارٹی قیادت ملاقات اچ موجود ہن۔ وزیراعظم آکھیا جو ساکوں برے معاشی حالات، معاشی خسارہ اتے ول کرونا نال نبڑݨا پئے، عالمی بحران دا اثر پاکستان تے وی پئے اتے مہنگائی تھئی اے، عوام کوں سوکھ ݙیوݨ کیتے احساس اتے کامیاب پاکستان جھیں سماجی پروگرام شروع کیتن، پنجاب اچ صحت کارڈ شروع تھیندا پئے، عام لوکاں کوں ریلیف ملسی۔ انہاں پارٹی رہنماواں اتے کارکناں کوں ہدایت کیتی جو ہر سطح تے سماجی پروگراماں دی آڳاہی ݙیون، غریباں کوں فیدہ پچاون اتے مقامی قیادت متحرک تھی تے غریب اتے مسحق لوکاں دی بھلائی کیتے کم کرے۔
