اسلام آباد۔23فروری(اے پی پی)پیس اینڈ کلچر آرگنائزیشن دی چیئرپرسن مشعال حسین ملک آکھیے جو فاشسٹ بھارتی فورسز عصمت دری کوں جنگی ہتھیار دے طور تے استعمال کرینداں پن جو بھارت دے غیر قانونی زیر تسلط مقبوضہ کشمیر دے لوکاں دی تذلیل کر تے طاقتور اختلافی آوازاں کوں ہیݨا کیتا ونڄے، کنن پوش پورہ اچ اجتماعی عصمت دری ہندوستانی جمہوری ٻوتھاڑ تے دھٻہ اے۔ اے ڳالھ انہاں کشمیری تریمتیں دے “یوم مازحمت” تے لیگل فورم فار کشمیر (ایل ایف کے) ولوں گول میز کانفرنس نال خطاب اچ آکھی جو بدنام زمانہ فوجی دستے آرمڈ فورسز اسپیشل پاورز ایکٹ دے تحت اینڄھے شرمناک جنگی جرائم کریندے پن، سارے ݙیہدے پن جو سفاک قوتاں کوں احتساب توں چھٹی ملی ہوئی اے۔ انہاں کنن پوش پورہ اچ اجتماعی عصمت دری اتے تشدد دا شکار تریمتیں دی جدوجہد تے قربانیاں کوں خراج تحسین پیش کیتے جیکوں 32 سال بعد وی انصاف نئیں ملین۔ انہاں عزم کیتا جو کشمیری خواتین اپݨی قربانیاں نا ونڄواݨ ݙیسن، 23 فروری کشمیر دی تاریخ دا بدترین ݙینھ ہا ڄݙاں بھارتی فوجیاں ضلع کپواڑہ دے علاقے کنن پوش پورہ اچ اجتماعی عصمت دری کیتی ہئی اتے انہاں 8 توں 80 سال دیاں تقریباً 100 تریمتیں دی عزت ونڄائی ہئی اتے اے ݙینھ غیر قانونی زیر تسلط مقبوضہ کشمیر اچ بھارتی فوجیاں دی بربریت دی ہک سیاہ مثال اے جیڑھا مقبوضہ کشمیر اچ ایں ہتھکنڈے کوں ریاستی دہشت گردی دے آلے دے طور تے استعمال کریندا پئے، جنوری 2001 توں ہݨ تئیں 682 خواتین کوں بھارتی فوجیاں شہید کیتے، جنوری 1989 توں ہݨ تئیں 22,957 خواتین بیوہ تھین اتے 11,256 تریمتیں دی عزت ونڄائی ڳئی اے۔ انہاں مطالبہ کیتے جو بین الاقوامی انسانی حقوق دی تنظیماں اتے عالمی طاقتاں سانحہ کنن پوش پورہ دے متاثرین کوں انصاف ݙیوݨ تے اقدامات کرن اتے مجرماں کوں نشان عبرت ٻماوݨ جو ولا کوئی وی بھارتی فوجی اے حرکت نا کر سڳے۔
