راولپنڈی۔4فروری(اے پی پی)وزیراعظم کی معاون خصوصی برائے تخفیف غربت ڈاکٹر ثانیہ نشتر آکھیے جو احساس تحفظ پروگرام دے تحت کینسر دے مریضاں دے علاج کیتے پیکجز وی پاتے ڳین، پروگرام دا دائرہ کار ملک دے ٻئے ہسپتالاں اچ وی کھنڈایا ویندا پئے۔ کینسر دے عالمی ݙینھ سانڳے ہولی فیملی ہسپتال راولپنڈی دا دورہ کرݨ ویلھے میڈیا نال الیندے انہاں آکھیا جو صحت امداد دا نویکلا پروگرام احساس تحفظ راولپنڈی اچ 10 ہسپتالاں اچ جاری اے۔ او ہسپتال اچ احساس تحفظ پروگرام توں فیدہ چاوݨ آلے کینسر دے مریضاں نال وی ملین۔ ڈاکٹر ثانیہ احساس تحفظ دے تصدیق کاراں اتے ہسپتال دے عملے نال وی ملین۔
