لاہور۔10اکتوبر(اے پی پی) وزیر اعلی پنجاب مریم نواز شریف سعودی عرب دے تجارتی وفد دا پاکستان آوݨ تے خیرمقدم کریندے آکھیے سعودی عرب دے تجارتی وفد کوں پاکستان آوݨ تے دلوں خوش آمدید آکھدوں ، سعودی عرب ہر پاکستانی دے دل اچ وسدے ۔ وزیر اعلی مریم نوازشریف آکھیے پاک سعودیہ تعلقات قربت دی اچی جاہ تے پڄ ڳئن ، مسلم لیگ(ن)دی قیادت دا عزم اے پاکستان کوں سرمایہ کاراں سانڳے پرکشش بݨیسوں ، کارپوریٹ فارمنگ سانڳے سعودی سرمایہ کاراں دی بھرپور معاونت کیتی ویسی ۔ سعودی سرمایہ کاراں سانڳے پنجاب اچ سرمایہ کاری دے منافع بخش موقع موجود ہن، پنجاب اچ سعودی انویسٹرز سانڳے ایگریکلچر، لائیو سٹاک، آئی ٹی اینڈ ٹیلی کام اچ سرمایہ کاری دے شاندار موقع موجود ہن۔وزیراعلی آکھیے پنجاب اچ انرجی، صنعت، سیاحت اتے ٹیکسٹائل اچ سعودی سرمایہ کاراں دی معاونت کریسوں، سعودی عرب پاکستان سانڳے برادر بزرگ دی حیثیت رکھیندے جݙاں جو ہر اوکھے ویلھے سعودی تعاون بے مثال اے
.jpg)
