اسلام آباد۔22جنوری (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو انتخابات بارے سارے مفروضے اتے افوائیں دم تروڑ ڳئن، پاکستان دی عوام اٹھ فروری کوں آپݨے ووٹ دا حق استعمال کریسن۔ سنوارکوں مقامی ہوٹل اچ پاکستان انسٹیٹیوٹ آف ڈویلپمنٹ اکنامکس (پائیڈ) ولوں اصلاحاتی منشور دے اجراءدی تقریب توں خطاب کریندیں ہوئیں وفاقی وزیر اطلاعات آکھیا جو 17 اگست 2023ءکوں نگران کابینہ دے حلف چاوݨ دے بعد توں مسلسل آکھدے پیوں جو انتخابات ویلھے تےتھیسن اتے الیکشن کمیشن نال تعاون کرݨ اساݙی ذمہ واری اے۔ انہاں آکھیا جو انتخابات بارے میڈیا دی ذمہ واری پہلے توں ودھ ویندی اے، میڈیا کوں ایں بارے مثبت رپورٹنگ کرݨی پوسی۔ انہاں آکھیاجو ملک کوں معیشت، خارجہ پالیسی، ٹیکس اصلاحات، صحت، تعلیم اتے آبادی اچ ودھارے سویں مسئلے اتے چیلنجز ہن۔ انہاں آکھیا جو پاکستان دے آئین دے آرٹیکل 140 اتے 140 اے دے تحت مقامی حکومتاں مالی، سیاسی اتے انتظامی طور خودمختار ہوسن۔
.jpg)
