اسلام آباد۔29ستمبر (اے پی پی) وفاقی وزیر برائے موسمیاتی تبدیلی سینیٹر شیری رحمان آکھیا جو پارلیمنٹ ملک دے ساریاں توں وݙے لیونگ انڈس اقدام دی منظوری ݙے ݙتی اے جئیں دا مقصد تہذیباں دے گہوارہ دریائے سندھ حفاظت کرݨ اے جیڑھا جو ماحولیاتی انحطاط اتے انسانی سرگرمیاں پاروں شدید خطرات توں دوچار اے۔ خمیس کوں سیکرٹری وزارت موسمیاتی تبدیلی آصف حیدر شاہ دے رلے میڈیا بریفنگ اچ وفاقی وزیر منصوبے دے نشابر خدوکال کوں اجاگر کیتا جیڑھا جو ماہرین تعلیم، ماہرین، اسٹیک ہولڈرز اتے صوبائی حکومتاں نال مشورے دے بعد ٻݨایا ڳئے۔ سینیٹر شیری رحمان آکھیا جو دریائےسندھ شمال توں جنوب تئیں آپݨے نیڑے تیڑے پوری زراعت اتے آبادیاں کوں پلیندے۔ انہاں آکھیا جو اساکوں فطرت نال جڑݨ دے نال ترقی کوں یقینی ٻݨاوݨا پوسی فطرت دے خلاف نی۔ انہاں آکھیا جو اقوام متحدہ ،وزارت موسمیاتی تبدیلی کوں دریائے سندھ بارے ہک تفصیلی رپورٹ ٻݨاوݨ اچ مدد کیتی اے تانجو ہک فعال دریا دے طور ایندے تحفظ اتے بحالی کیتے ہک سوچی سمجھی حکمت عملی ٻݨائی ونڄ سڳے۔ انہاں ݙسیا جو فطرت تے مبنی لچکدار زراعت، زیریں سندھ آچ نمکیات تے قابو پاوݨ، انڈس ڈیلٹا دا تحفظ، صنعتی پاݨی توں سندھ دی صفائی، گرین انفراسٹرکچر اتے زمینی ریچارج، زیر زمین پاݨٰی دا انتظام، ہک لکھ کمیونٹی بانڈز، لیوینگ انڈس نالج پلیٹ فارم، انڈس۔ ٹرسٹ فنڈ، کلائمیٹ نیچر پرفارمنس بانڈز، گرین انڈس کیتے سوشل انٹرپرینیورشپ، سندھ دے کنارے پلاسٹک ویسٹ سٹیز، سندھ دے کنارے شہری جنگلات، انڈس پروٹیکشن ایکٹ، انڈس بیڈز دا تحفظ، سندھ طاس اچ حیاتیاتی تنوع دی ترقی، سندھ اچ کمیونٹی تے مبنی سیاحت، سندھ دا ورثہ۔ سائٹس، توسیع شدہ GLOF II، تے ما کلچر کوں ودھاوݨ شامل اے۔
.jpg)
