اسلام آباد 19 ستمبر (اے پي پي)د كورنيو چارو وفاقي وزير احسن اقبال وئيلي دي چې پاکستان داسې كوم انتظامي فورم نه لري چې يوازې څلور كسان هېواد ته د پېښو چلېنجونو علم لري٬ رياست ته داسې هېڅ خطرات نشته چې قامي سلامتيا لپاره كابينه كمېټي پرې خبر نه وي٬ د رياست ټولې معاملې او د خطرو خبر وزيراعظم شاهد خاقان عباسي او عسكري مشرانو ته وي٬ نړۍ كښې جنګونه د اطلاعاتو په بنياد كېږي٬ مونږ هم ھغه جنګ سره مخ يو٬ يو موټې كېدو سره مونږ په چېلنجونو قابو موندلې شو۔ د نهې په ورځ سېنېټ كښې د ستانور اعتزاز احسن او عثمان كاكړ د اعتراض د نكتې په ځواب داخله وزير ووئيل رياست ته داسې هېڅ خطرات نشته چې قامي سلامتيا لپاره كابينه كمېټي پرې خبر نه وي٬ د كمېټۍ غونډې په باقاعدګۍ سره كېږي۔ ده ووئيل پاکستان داسې كوم انتظامي فورم نه لري چې يوازې څلور كسان هېواد ته د پېښو چلېنجونو څخه خبر وي۔ ده ووئيل شاهد خاقان عباسي آئیني وزیراعظم دې ۔ د رياست ټولې معاملې او خطرې د وزيراعظم شاهد خاقان عباسي په علم كښې وي٬ عسكري مشران او سرلښكر رياست ته د پېښو چېلنجونو نه خبر وي٬ د قامي سلامتيا د كمېټۍ غړي هم خبر وي۔ ده ووئيل ډېر قوتونه د پاكستان طاقت نه وېرېږي٬ زمونږ د معاشي طاقت بحالي هم خطر ګڼلې كېږي ٬ د سي پېك په اړه هم زمونږ د ګاٶنډي هېواد د سرلښكر او خارجه وزير پېغامونه په رېكارډ موجود دي٬ د هندي جاسوس كلبهوشن اعتراف هم په رېكارډ موجود دې۔ ده ووئيل د اولس مشر ټرمپ پاليسي بيان سره هم صورتحال واضح شوې۔ده ووئيل مونږ منطقه كښې امن غواړو٬ د قامي سلامتيا كمېټۍ بشپړه ځواب وركړې دې٬ ده ووئيل حكومت او رياستي ادارې د صورتحال نه ښه خبر دي هېڅ داسې خبر نشته چې ذمه وار كسان پرې خبر نه وي۔ ده ووئيل دغه څه ډلې د افغانستان خاوره كارولو سره په بلوچستان كښې د تحريبي كاروائيو هڅې كوي چې په سوب ئې امنيتي ادارې حفاظتي اقدامات كوي۔
