اسلام آباد – 27 – مارچ (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پريڊ گرائونڊ اسلام آباد ۾ امر بالمعروف جلسي جي عالمي ڪوريج ٿي رهي آهي. پنهنجي هڪ ٽوئيٽ ۾ هن چيو ته هن وقت پاڪستان جي سموري ميڊيا پريڊ گرائونڊ ۾ ڪوريج جي لاءِ موجود آهي، عالمي ميڊيا جا 43 کان وڌيڪ نمائندا پريڊ گرائونڊ جلسي جي ڪوريج جي لاءِ هوندا. امر بالمعروف جلسي جي عالمي ڪوريج ٿي رهي آهي. پنهنجي هڪ ٻئي ٽوئيٽ ۾ هن پي ٽي آءِ جي سمورن ورڪرز کي اپيل ڪئي ته ميڊيا جي ڪارڪنن، رپورٽرز ۽ عملي کي ڪم ۾ سهولت ڏين. دنيا کي ميڊيا جي اک سان ئي هي عظيم جلسو ڏسڻو آهي ۽ سمورا ميڊيا چينلز ۽ ورڪرز اسان جي لاءِ اهم آهن. جمهوريت جو حسن اهو به آهي ته اسان تنقيد به برداشت ڪريون.
.jpg)
