سیالکوٹ۔ 09 جولائی (اے پی پی):وزیر دفاع خواجہ محمد آصف آکھیے اساں ٻہوں اوکھے حالات اچ حکومت سنبھالی ، پی ٹی آئی ملک دا ٻیڑہ غرق کر تے رکھ ݙتا، اساں کنے چوائس ہئی جو وختی اساں اسمبلیاں تحلیل کرݙٰندے تاں ایویں کرݨ نال معیشت مزید تباہ تھی ویندی تے ملک 14مہینے پہلے ہی ڈیفالٹ تھی ویندا ،14 مہینے دی بھج دھرک دے بعد اساں ملک کوں ڈیفالٹ تھیوݨ توں بچایا ، اساں ملکی معیشت سنبھالݨ کیتے وختی اسمبلیاں تحلیل نی کیتیاں تے ایہا وجہ اے جو ملک ہولے ہولے بہتری آلے پاسے ٹردا پئے ، اساں پرعزم ہیسے جو وختی ملک کوں اندھاریں اچ کڈھݨ اچ کامیاب تھی ویسوں ، اے ڳالھ انہاں گزریل رات سیالکوٹ دی یونین کونسل نیکاپورہ اچ ورکرز کنونشن توں خطاب کریندے ہوئیں آکھی اے ، انہاں آکھیے جو چیئرمین پی ٹی آئی دے غلط سیاسی فیصلیں دی وجہ توں انہاں دی حکومت ڳئی ، اوں بندے اتنی غلطیاں کیتن جو جیں دے ڈپریشن اچ اوں 9 مئی دا پلان بݨایا، 9 مئی ملکی تاریخ دا سیاہ ݙینھ ہئی اوں ریاست کوں للکاریا، ݙیکھوں تاں سہی ایندے اہداف کیا ہن، اوں دشمناں وانڳوں کردار ادا کیتا، اوں بندے دفاع دے ضامن ادارے کوں للکاریاں تے ایندی قیمت ادا کرݨی پئی تاں جو جے کہیں دی اے غلط فہمی اے جو اے ساݙے دفاع دے ضامن ادارے کوں للکاریا ونڄ سڳدے تاں او ختم تھی ونڄے کیوں جو ملکی دفاع دے ضامن ادارے دے پچھوں قوم کھڑی اے ۔
