اسلام آباد۔23ستمبر(اے پی پی)وفاقی وزیر برائے منصوبہ بندی احسن اقبال آکھیے جو اڄ پاکستان کوں سیلاب دی شکل اچ سب توں وݙے چیلنج دا سامݨا اے، عمران خان ریلیف دے کماں کوں متنازع ٻݨاوݨ چاہندن، انہاں کوں اسلام آباد تے چڑھائی دے خواب نئیں ݙیکھݨے چاہیدے۔ میڈیا نال الیندے انہاں آکھیا جو اساں ڄڳ توں پیسے نئیں، اپݨا حق منڳدے پئے ہیں جو ڄڳ اچ گیساں دے اخراج اچ ساݙا حصہ ہک فیصد توں وی ڳھٹ اے ٻھل اساں ترقی یافتہ ملکاں دی کاربن گیس دا ٻھوڳ ٻھڳیندے پئے ہیں اتے وزیراعظم نیویارک اچ عالمی ضمیر ڄڳیندے ودن، ایں بارے بیان بازی افسوسناک اے۔ انہاں آکھیا جو اداریاں بارے نامناسب الفاظ دی اجازت نی ݙتی ونڄ سڳدی، اے رویہ ملک اتے سیاست کیتے ٹھیک نئیں۔
