اسلام آباد۔17جون (اے پی پی) وزیراعظم محمد شہباز شریف آکھیا جو ٻاہرلے ملک پاکستانیاں کوں سہولت ݙیوݨ حکومت دی پہلی ترجیح اے، اپوسٹل کنونشن اچ شمولیت نال ٻاہرلے ملک رہوݨ آلے پاکستانیاں کوں سوکھ تھیسی۔ ہݨ پاکستانی تصدیق تھئی دستاویزات سو توں ودھ ملکاں اچ قابل قبول ہوسن۔ جمعے کوں ہک ٹویٹ اچ وزیراعظم آکھیا جو اپوسٹل کنونشن اچ پاکستان دی شمولیت ٻاہرلے ملک سفر کرݨ آلے اتے اتھ رہوݨ آلے پاکستانیاں کوں سوکھ تھیسی۔ اساݙے شہری شادی دے سرٹیفیکیٹ، ڈگریاں اتے بئی دستاویزات پاکستان اچ وزارت خارجہ دے مجاز افسراں توں تصدیق کرا سڳسن جنہاں کوں ٻئی تصدیق دی لوڑھ دے بغیر بین الاقوامی سطح تے منیا ویسی۔
