اسلام آباد۔15اگست (اے پی پی) وزیراعظم عمران خان آکھیا جو غریب اتے کمزور طبقات دے معیار زندگی کوں اُچا کرݨ پہلی ترجیح اے۔ وزیراعظم اے ڳالھ اتوار کوں ٹویٹر تے جاری آپݨے ٹویٹ اچ آکھی۔ وزیراعظم آپݨے ٹویٹ اچ کباڑ جمع کرݨ آلے ہک سائیکل سوار ٻال دی تصویر وی شیئر کیتی جئیں دی سائیکل تے قومی پرچم لڳیا ہوئے۔ وزیراعظم آکھیا جو انشاءاللہ اے او پاکستانی ہن جنہاں دے معیار زندگی کوں اُچا کرݨ انہاں دی پہلی ترجیح اے۔
