اسلام آباد 01 نومبر (اے پي پي) د پاكستان د بهرنيو چارو وزير خواجه محمد آصف ووئيل دي ټولې پاليسۍ به د پاكستان سلامتيا٬ خپلواكۍ٬ او مفادات تر مخه جوړولې شي٬ د بهرنيو قواؤ د مفاداتو له مخې به پاليسۍ نه جوړو٬ امريكې سره د زياتو ښو اړيكو خوش فهمۍ نه لرو٬ امريكې ته ضروري پېغام وركړې شوې ٬ مونږ به خپلو مفاداتو ته سل فيصده پام لرنه كوٶ٬ د نورو څيزونو اهميت ثانوي دے٬ پاكستان قصوروار ګرځول د امريكې په ناكاميو د پردې اچولو هڅه ده۔ د شورو په ورځ سېنېټ كښې امريكې د خارجه وزير په دوره بحث راغونډولو كښې خواجه آصف ووئيل د امريكائي خارجه وزير بيان او د اوسنې دورې په اړه ايوان كښې مهم بحث شوې٬ كومو غړو چې تجويزونه وركړې دي مونږ ئې مننه كوٶ٬ په پاليسو كښې د ښه والي ګنجائش عمر له موجود وي٬ امريكې سره د زياتو ښو اړيكو په خوش فهمۍ نه يو اخته٬ مونږ امريكې سره په افغانستان كښې امن لپاره خبرې اترې كوو۔ ده ووئيل امريكائي خارجه وزير د ستنېدو نه پس د يوې پوښتنې ځواب كښې وئيلي وٶ پاكستان وئيلي دي چې كه د څه كاروائۍ جوګه استخباراتي معلومات تر لاسه شي نو په دې لړ كښې به پاكستان كاروائي كوي٬ دا خبره سمه ده ٬ده ووئېل ايوان له باور وركول غواړم چې امريكې ته كوم ضروري پېغام وركول وو وركړې مو دے٬ مونږ دې ايوان څخه مرستې ته اړتيا لرو٬ د پخوا غوندې رويه به امريكې سره نه ساتو٬ ده ووئېل مونږ به سل فيصده خپلو مفاداتو ته ترجيح وركوٶ٬ نور څيزونه ثانوي اهميت لري۔ وفاقي وزير د بحث په مهال ووئيل مونږ د امريكې نه وړاندې بېجنګ٬ تهران٬ انقراه٬ رياض او يو اېن جي اے كښې د روسيې خارجه وزير سره رابطې كړې او د ھغې مقصد دا ٶ چې د كومو هېوادونو پولې افغانستان سره لګي ھغوي په معاملو ښه پوهېږي۔ ده ووئيل د امريكې مفادات بدلېږي رابدلېږي٬ مونږ د پولو د لارې خپلولو لرو او تل به وي٬ مونږ د منطقې د مسئلو د هواري خواهش لرو او د مسئلو حل په دې تناظركښې غواړو۔ وفاقي وزير خواجه آصف ووئيل پاكستان د سږ كال د اېس سي او غړي جوړ شوې ٬ او دا فورم به په بشپړه توګه كاروٶ۔ده ووئيل پاكستان به د امريكې په اړه د خپلو مفاداتو بشپړ تحفظ كوي۔ ده ووئيل زه باور لرم چې د امرېكې سوئيلي آسيا لپاره د پاليسې به ھغه پوځي جرنېلانو جوړه كړې وي څوك چې په افغانستان كښې د تېرو 15 كالو راهسې هزيمت سره مخ وو۔ ده ووئيل امريكا چې كله پاكستان قصور وار ګرځوي٬ نو امريكا په خپلو ناكاميو د پردې اچولو هڅه كوي۔په نېشنل سېكيورټي كمېټۍ او په دې ايوانونو كښې پاليسۍ په مشاورت سره جوړېږي٬ ښه وخت راغلې او لا ښه وخت به راځي٬ ده ووئېل مونږ له اميد او حوصله پكار ده۔ خواجه آصف ووئيل په دې ايوان كښې چې غړو د كومو جذباتو څرګندونه كړې مونږ ئې قدر كوٶ٬ چرته چې د ښه والي ګنجائش وي خامخا به كوٶ۔ده ووئيل د خارجه پاليسۍ په هره مسئله دې ايوان زمونږ لارښودنه وكړي اهميت به وركوٶ۔ ده ووئيل د بهرنيو قوتونو د مفاداتو له مخې به پاليسۍ نه جوړو٬ پاليسۍ به د پاكستان سلامتيا٬ خپلواكۍ٬ او مفادات تر مخه جوړولې شي٬ مونږ به د اجتماعي دانش سره مخ په وړاندې ځو
