اسلام آباد ۔ 19 اکتوبر (اے پی پی) د خزانې وفاقي وزير اسحاق ډار په مشرۍ كښې د زيارت په ورځ يوه غونډه كښې د نېشنل سېونګز كاركردګۍ او دې سره د اړوند چارو جاج واخستې شو۔ غونډه كښې د خزانې وزارت او نېشنل سېونګز اعلی چارواكو ګډون وكړو۔ د نېشنل سېونګز ډي جي ظفر مسعود غونډې ته د تېر يو كال په مهال د سېونګز كاركردګۍ په اړه ووئيل د نېشنل سېونګز لخوا د مالي مرستې ودې له پورته كړې شوې ګامونه نه يوازې په ملكي بلكې نړيواله كچه هم ستائلې شوي دي۔ د برطانیې يو نوميالۍ سی اېف آئی مېګزين نېشنل سېونګز ته د فنانشل انکلوژن 2017ء ودې له د غوره كاركردګۍ په څرګندونه ايوارډ وركړے۔ دا ايوارډ د تېر يو كال په مهال د نېشنل سېونګز لخوا درې كښې دوه برخې څانګې آن لائن نظام سره تړلو او د بېنكاري صارفينو ته د غوره اسانيو وركولو اعتراف دے۔ غونډې ته ووئيلې شو چې د صارفينو اسانۍ له اېس اېم اېس سروس ٬ د سوشل ميډيا د لارې رسنه او د ادارې وېب سائټ غوره جوړول باوري كړې شوي دي۔ غونډې ته ووئيلې شو چې نېشنل سېونګز د اولسي فلاحي مقبول سكيمونو سره په مالياتي څانګه كښې د يوې مضبوطې ادارې په توګه رامخې ته شوې او ددې د صارفينو شمېره ښه ډېره ده كومو كښې چې 50فيصد څخه زياتې مېرمنې دي۔ د آئي ټي نظام اپ ګرېډ كولو دلارې ورلډ بېنک د نېشنل سېونګز بشپړه مرسته كوي۔ نېشنل سېونګز د موبائل فون، انټرنېټ بېنکنګ او اے ټی ایم کارډز په ډول متبادل خذمات وړاندې كوي۔ وفاقي وزير صارفينو ته د اسانيو وركولو له د نېشنل سېونګز هڅې وستائلې او د كلنو بچتونو هدف په ترلاسه كولو ئې د ادارې د كاركردګۍ ستائنه وكړه۔ ده نېشنل سېونګز ته د پراخه مالياتي ګامونو مقصد ترلاسه كولو له د خپل اړخه د مرستې بار وركړو۔
