رحيم يار خان-05 جنوري (اي پي پي) وزيراعظم محمد شهباز شريف رحيم يار خان ۾ متحده عرب امارات جي صدر شيخ محمد بن زيد النهيان سان ملاقات ڪئي، ملاقات ۾ پاڪستان جي ترقي جي سفر ۾ گڏيل عرب امارتن جي اهم ڪردار جي واکاڻ ڪئي ۽ اقتصادي تعاون، علائقائي استحڪام، موسمياتي تبديلي ۽ عالمي سطح تي گڏيل مفادن کي هٿي ڏيڻ سميت ڪيترن ئي معاملن تي خيالن جي ڏي وٺ ٿي. وزيراعظم آفيس جي پريس ونگ موجب ملاقات دوران ٻنهي اڳواڻن اقتصادي، سياسي ۽ ثقافتي لاڳاپن کي وڌيڪ هٿي ڏيڻ لاءِ گڏيل عزم جو اظهار ڪيو. هنن اقتصادي تعاون، علائقائي استحڪام، موسمياتي تبديلي ۽ عالمي سطح تي گڏيل مفادن کي هٿي ڏيڻ سميت ڪيترن ئي معاملن تي خيالن جي ڏي وٺ ڪئي. وزيراعظم محمد شهباز شريف پاڪستان جي ترقي جي سفر ۾ گڏيل عرب عمارتن جي اهم ڪردار جي واکاڻ ڪئي، وزيراعظم تجديد جوڳي توانائي، ٽيڪنالاجي، بنيادي ڍانچي جي تعمير ۽ تجديد، نوجوانن ۾ صلاحيتن ۽ پيشيوراڻي تربيت کي هٿي ڏيڻ ۽ واپار جهڙن شعبن ۾ سهڪار وڌائڻ لاءِ پاڪستان جي عزم تي زور ڀريو. گڏيل عرب امارتن جي صدر شيخ محمد بن زيد النهيان پاڪستان سان کاڻين جي کوٽائي، معدنيات ۽ زراعت جي شعبن ۾ سهڪار وڌائڻ ۾ گڏيل عرب امارتن جي گهري دلچسپي کي اجاگر ڪيو. هن پاڪستان جي معيشت مستحڪم ڪرڻ لاءِ وزيراعظم شهباز شريف جي متحرڪ قيادت جي تعريف ڪئي. هن ان ڳالهه تي زور ڀريو ته هن نئين اقتصادي قوت، ٻطرفي سيڙپڪاري ۽ تعاون ۾ واڌ جا امڪان پيدا ڪيا آهن. گڏيل عرب امارتن جي صدر پاڪستان سان پنهنجي پراڻي حصيداري کي وڌائڻ لاءِ گڏيل عرب امارتن جي عزم کي ورجايو ۽ عوام جو عوام سان رابطو ۽ گڏيل خوشحالي جي اهميت تي زور ڀريو. وزيراعظم شهباز شريف مشڪل وقت خاص طور تي اقتصادي تعاون جي سلسلي ۾ گڏيل عرب امارتن جي پختي حمايت تي گڏيل عرب امارتن جي صدر جو ٿورو مڃيو. ٻنهي اڳواڻن خطي ۾ امن ۽ ترقي لاءِ پنهنجي عزم کي ورجائيندي گڏيل دلچسپي جي معاملن تي گڏجي ڪم ڪرڻ تي زور ڀريو. گڏجاڻي جي پڄاڻي ٻنهي ملڪن جي روشن مستقبل کي يقيني بِڻائڻ لاءِ خاص طور تي ترجيحي شعبن ۾ وسيع تعاون کي هٿي ڏيڻ جي گڏيل عزم سان ٿيو.
