اسلام آباد-24 سيپٽمبر (اي پي پي) سڄي پاڪستان ۾ اخبار پڙهڻ جو قومي ڏينهن 25 سيپٽمبر اربع ڏينهن ملهايو ويندو. اخبار جي صورت ۾ صحافت جي شروعات 12 سئو سال اڳ يورپ ۾ ٿئي ۽ اخبار دنيا جي سموري معلومات جو مرڪز بڻي وئي. ان ڏينهن کي ملهائڻ جو مقصد سوشل ميڊيا جي يلغار ۾ اخبارن جي اهميت کي اجاگر ڪرڻ آهي، سڄي ملڪ ۾ 24 ڪلاڪ جي ٽيلي ويزن نشريات ۽ ڊيجيٽل ميڊيا جي باوجود اخبارن جي خبرن کي ئي سڀ کان ڀروسي جوڳو ذريعو مڃيو ويندو آهي. ان ڏينهن جي مناسبت سان سڄي ملڪ ۾ مختلف سماجي تنظيمن طرفان تقريبن جو انتظام ڪيو ويندو ۽ عام ماڻهن کي اخبار پڙهڻ جي اهميت جي حوالي سان آگاهي فراهم ڪئي ويندي.
