اسلام آباد-30 آگسٽ(اي پي پي) آئل اينڊ گيس ڊولپمينٽ ڪمپني (او جي ڊي سي ايل) سنڌ صوبي جي سانگهڙ ضلعي ۾ تيل ۽ گيس جو وڏو ذخيرو دريافت ڪري ورتو آهي. جمعي تي او جي ڊي سي ايل جي ترجمان ٻڌايو ته بلوچ کوهه 2 مان 388 بيرل روزاني ڪچو تيل دريافت ڪيو ويو آهي.بلوچ کوهه 2 جي کوٽائي فيبروري 2024 ۾ شروع ڪئي وئي هئي،بلوچ کوهه 2 جي 3920 ميٽر کوٽائي ڪرڻ کان پوءِ تيل ۽ گيس جي دريافت ٿي. او جي سي ايل سنجهورو بلاڪ جي سمير فارميشن ۾ وڌيڪ کوهن جي کوٽائي جو ارادو رکي ٿو.ان نئين دريافت سان علائقي ۾ خوشحالي ۽ ترقي جا نوان رستا کلندا.سمير فارميشن ۾ پهرين ڪامياب دريافت او جي ڊي سي ايل جي تحقيقي ڪوششن جو نتيجو آهي.
