اسلام آباد-03 آگسٽ (اي پي پي)حريت اڳواڻ ياسين ملڪ جي زال مشعال حسين ملڪ چيو آهي، ته 5 آگسٽ تي سڄي دنيا ۾ رهندڙ ڪشميري ۽ پاڪستاني ٻاهر نڪري پيغام ڏين ته هو والاريل ڪشمير ۾ قيد ڪشميرين سان گڏ آهن، 5 آگسٽ 2019ع تي ڀارت ڪشميرين جي حقن تي ڌاڙو هنيو. هتي جاري بيان ۾ هن چيو ته ڪشميرين جو قتل عام ڪيو پيو وڃي. مشعال ملڪ چيو ته عظيم اڳواڻن کي شهيد ۽ قيد ڪيو ويو آهي، ياسين ملڪ کي ڦاهي تي چاڙهڻ جي پوري ڪوشش ڪئي پئي وڃي. هن چيو ته آزادي جي تحريڪ ۾ ڪشميرين سان گڏ بيٺل آهيون، اسان جي دل ۽ ڌڙڪن ڪشميرين سان گڏ آهي.
