اسلام آباد – 21 ڊسمبر (اي پي پي) اطلاعات ۽ نشريات واري وفاقي وزير چوڌري فواد حسين وزيراعظم جي پارلياماني معاملن واري خاص مددگار ۽ قومي اسيمبلي ۾ تحريڪ انصاف جي چيف وهپ ملڪ عامر ڊوگر جي والده جي لاڏاڻي تي گهري ڏک ۽ افسوس جو اظهار ڪندي چيو آهي ته عامر ڊوگر ۽ سندس خاندان لاءِ اهو وڏو سانحو آهي، ماءُ جهڙو ڪو به رشتو نه آهي. پنهنجي تعزيتي بيان ۾ چوڌري فواد حسين چيو ته ڏکويل خاندان جي ڏک ۾ برابر جا شريڪ آهيون، هن دعا ڪئي ته الله تعاليٰ مرحومه جي ڪامل مغفرت فرمائي ۽ پوئينرن کي صبر جميل سان نوازي.
