اسلام آباد۔14ستمبر (اے پی پی) پاکستان دے تیل و گیس دے ذخیرے سرمایہ کاری، ترقی اتے خود مختاری دی ضمانت ہن۔ پاکستان کنے 1,234 ملین بیرل تیل دے ذخیرے موجود ہن۔ تیل دی ویلھے سر ایکسپلوریشن نال معاشی اہمیت محفوظ، ٻاہروں امداد دی گھٹکی اتے خود مختاری اچ ودھارا ممکن اے۔ ایس آئی ایف سی دی مدد نال تیل دی ویلے سر ایکسپلوریشن کیتے کوششاں اچ نمایاں تیزی آئی اے۔ وفاقی وزیرپیٹرولیم علی پرویز ملک آکھیے جو آندے ݙاہ سالاں دے دوران 25-30 ارب ڈالر سرمایہ کاری نال 10 فیصد ذخیرے دا استعمال ممکن تھیسی۔ انہاں آکھیا جو تیل دا سالانہ درآمدی ٻل 12 ارب ڈالر اے تاں جو مقامی پیداوار اچ ودھارے نال پاکستان دی توانائی خود کفالت دا نواں دور شروع تھیسی۔ امریکہ اتے پاکستان آئل پارٹنرشپ، روشن معیشت اتے مضبوط مستقبل دی ضمانت اے۔ ترکی دے نال 40 آف شور بلاکس تے معاہدہ وی ملکی توانائی دے تحفظ کیتے گیم چینجر ثابت تھیسی۔ عالمی ایکسپلوریشن کمپنی سنر جیکو دا موقف اے جو نویں دریافت تھیوݨ آلے تیل دی کوالٹی پریمیم گلف معیار دے وانڳوں اے۔ ایس آئی ایف سی دی سہولت کاری پاروں تیل دی ایکسپلوریشن دے عوامل صحیح پاسے ٹردے پئن۔
