اسلام آباد ۔ 28 فروری (اے پی پی) وزیراعظم محمد نواز شریف اتے آذربائیجان دے صدر الہام علیوف ڈوہائیں ملکاں وچال تجارتی اتے اقتصادی رابطے دے ودھارے اتے تجارتی و اقتصادی سرگرمیاں ودھاونڑ کیتے نویں موقعے پیدا کرنڑاُتے اتفاق کیتے، ڈوہائیں ملک 2017ءکو ںسفارتی تعلقات دے قیام دے 25 سال پورے تھیونڑ اُتے دوستانہ وفود دے تبادلیاں دے طور تے منیسن ، جڈانجو آذربائیجان دے صدر مقبوضہ کشمیر اچ انسانی حقوق دیاں خلاف ورزیاں اُتے تشویش دا اظہار کریندے ہوئیں کشمیریاں دے حق خود ارادیت دی حمایت دا اعادہ کیتا ۔ وزیراعظم محمد نواز شریف اتے آذربائیجان دے صدر الہام علیوف وچال منگل کوں وزیراعظم ہاﺅس اچ ملاقات تھئی ۔ وزیراعظم 13 ویں ای سی او سربراہ کانفرنس اچ شرکت سانگے آمد اُتے صدر الہام علیوف دا گرمجوشی نال خیرمقدم کیتا اتے گزریل سال اکتوبر اچ باکو دے انہاں دے دورے دے موقعے تے فراخدلانہ میزبانی کرنڑاُتے انہاں دا شکریہ ادا کیتا۔ ڈوہائیں اگوانڑاں وزیراعظم دے دورے دے دوران تھیونڑآلیاں فیصلیاں دا جائزہ گھدا اتے انہاں فیصلیاں اُتے عملدرآمد دی رفتار اُتے اطمینان دا اظہار کیتا۔ انہاں اقتصادی تعاون دے فروغ کیتے کوششا ودھاونڑ اُتے اتفاق کیتااتے ایں گالھ تے وی اتفاق کیتا جو ڈوہائیں ملکاں کوں ترجیحی ٹیرف و تجارت، سرمایہ کاری، توانائی اتے اقتصادی تعاون دے ڈوجھے شعبیاں دے معاہدیاں اُتے عملدرآمد دا ہدف مقرر کرنڑاں چاہیدے ۔ ڈوہائیں رہنماوا ں ایں گالھ تے زور ڈتا جو اعلان اسلام آباد اتے ای سی او وژن 2025ءاہم دستاویزات ہن اتے اے ای سی او دی کامیابی اتے سارے خطے دی مشترکہ خوشحالی کیتے ہک رستہ ثابت تھیسی ۔ ڈوہائیں رہنماواں آکھیا جو ڈوہائیں ملکاں وچال موجودہ تجارتی اعداد و شمار اقتصادی تعاون دی شکل اچ حقیقی گنجائش دے مطابق کائنی اتے انہاں تجارتی و اقتصادی سرگرمیاں ودھاونڑ کیتے بئے موقعے پیداکرنڑدا فیصلہ کیتا۔
