اسلام آباد۔5دسمبر (اے پی پی) چیئرمین سینیٹ محمد صادق سنجرانی آکھیا جو پاکستان عراق نال پراݨے تعلقات کوں ٻہوں اہمیت ݙیندے۔ اساݙے تعلقات اسلامی اخوت، ثقافت اتے آپسی احترام دے ہن۔ اے ڳالھیں انہاں پاکستان اچ عراق دے سفیر حامد عباس لفتہ نال ڳالھ مہاڑ کریندیں ہوئیں آکھی جنہاں منگل کوں پارلیمنٹ ہاؤس اچ انہاں نال ملاقات کیتی۔ سینیٹ سیکرٹریٹ توں جاری بیان موجب ملاقات اچ ݙوپاسہ تعلقات اتے آپسی دلچسپی دے معاملے اتے فلسطین دی اڄوکے صورتحال تے ڳالھ کیتی ڳئی۔ چیئرمین سینیٹ آکھیا جو پاکستان اتے عراق وچال تعلقات مذہب، اسلامی اخوت، ثقافت اتے آپسی احترام دے ہن۔ملاقات اچ ݙوپاسہ تجارت ودھاوݨ بارے تفصیلی ڳالھ کیتی ڳئی۔ عراقی سفیر عالم اسلام دے اتحاد کیتے پاکستان دی کوششاں دی تعریف کیتی۔ ملاقات اچ سیکرٹری سینیٹ محمد قاسم صمد خان وی موجودہن۔
