اسلام آباد۔25نومبر (اے پی پی) پاک فوج فوجی اہلکاراں کوں بغاوت تے اکساوݨ دے الزام اچ ݙوریٹائرڈ فوجی افسراں میجر (ریٹائرڈ) عادل فاروق راجہ اتے کیپٹن (ریٹائرڈ) حیدر رضا مہدی کوں سزا سݨا ݙتی اے۔ چھݨ چھݨ کوں آئی ایس پی آر ولوں جاری پریس ریلیز موجب ݙوہیں ریٹائر افسراں کوں فرائض انجام ݙیوݨ اتے جاسوسی بارے آفیشل سیکرٹ ایکٹ 1923 دی دفعات دی خلاف ورزی اتے ریاست دے تحفظ اتے فیدے کیتے منفی کم کرݨ تے پاکستان آرمی ایکٹ 1952 دے تحت فیلڈ جنرل کورٹ مارشل (ایف جی سی ایم) دے ذریعے سزا سݨائی ڳئی اے۔ آئی ایس پی آر موجب مجاز دائرہ اختیار دی عدالت 7 اتے 9 اکتوبر 2023 کوں ݙوہیں بندیاں کوں مناسب عدالتی عمل نال مجرم قرار ݙیندیں ہوئیں فیصلہ سݨائے جئیں موجب میجر (ریٹائرڈ) عادل فاروق راجہ کوں 14 سال قید بامشقت جڈانجو کیپٹن (ریٹائرڈ) حیدر رضا مہدی کوں 12 سال قید بامشقت دی سزا سݨائی ڳئی اے۔ سزا موجب 21 نومبر 2023 کوں ݙوہیں افسراں دے رینک ضبط کر ڳھدے ڳئن۔
