اسلام آباد۔4جنوری (اے پی پی) صدر مملکت ڈاکٹر عارف علوی آکھیا جو پاکستان اچ مربوط اتے فعال آئی ٹی ماحول ٻݨاوݨ کیتے وفاقی اتے صوبائی سطح تے اعلیٰ سطح دے عزم دی لوڑھ اے۔ حکومت ملک دے پورے تعلیمی نظام دا جائزہ ڳھنݨ تے توجہ ݙیندی پی اے۔ اے ڳالھیں انہاں بدھ کوں چیف ایگزیکٹو آفیسر یانسی سپرول دی قیادت اچ آئی ٹی کمپنی ڈیجیٹل اوشن دے وفد نال ملاقات اچ آکھی۔ ایں موقع تے صدر مملکت ڈاکٹر عارف علوی آکھیا جو پاکستان دے وژن دا محور ڈیجیٹل ٹرانسفارمیشن ٹیکنالوجی دی ترقی اتے نمو کیتے سازگار ماحول ٻݨاوݨ اے۔ وژن اچ آئی ٹی شعبے اچ غیر ملکی سرمایہ کاری مدعو کرݨ، سرمایہ کاراں کوں سہولت ݙیوݨ اتے نینگراں دی حوصلہ افزائی شامل اے۔ صدر مملکت 350 ملین ڈالر اچ ہک پاکستانی آئی ٹی کمپنی حاصل کرتے پاکستان اچ سرمایہ کاری کرݨ تے کمپنی دی تعریف کیتی۔ انہاں آکھیا جو ڈیجیٹل اوشن کوں نینگراں کوں اعلیٰ معیار دی تریت ݙیوݨ کیتے ٹھوس اقدامات کرݨے چاہیدن۔ ڈیجیٹل اوشن دے سی ای او یانسی سپرول صدر کوں ڈیجیٹل اوشن، ترقی دی حکمت عملی، مستقبل دی سرمایہ کاری اتے کراچی اچ کاروباری حجم کوں ترائے گنا کرݨ بارے ݙسیا۔
