اسلام آباد۔31جولائی (اے پی پی) وفاقی وزیر اطلاعات مریم اورنگزیب دا سینئر صحافی اختر بلوچ دے انتقال تے افسوس کریندیں ہوئیں آکھیا جو اختر بلوچ دے انتقال دی خبر سݨ تے افسوس تھیے۔ آݙت وار کوں آپݨے تعزیتی سنیھے اچ انہاں آکھیا جو اختر بلوچ دی صحافت دے شعبے اچ خدمات کوں یاد رکھیا ویسی۔ دعا اے جو اللہ تعالیٰ مرحوم کوں آپݨے جوار رحمت اچ ڄاہ ݙیوے اتے لواحقین کوں اے صدمہ برداشت کرݨ دا حوصلہ ݙیوے۔
