کوئٹہ۔ 30 ستمبر (اے پی پی) نگران وفاقی وزیر داخلہ میرسرفراز بگٹی آکھیا جو بلوچستان اچ دہشت گردی دے سارے وݙے واقعیاں اچ ’را‘ ملوث رہیے، ہر پاکستانی دے خون دا بدلہ ڳھدا ویسی۔ پاکستان اچ دہشت گرداں اتے انہاں دے سہولت کاراں کیتے کوئی ڄاہ کائنی، انہاں دے خلاف جتنا وݙا آپریشن کرݨا پیا کریسوں۔ دہشت گرداں کوں کائنا چھڑیسوں اتے ہر پاکستانی دے خون دا بدلہ ڳھدا ویسی۔ مستونگ واقعے اچ شہداں دی تعداد 55 تھی ڳئی اے۔ سارے دہشت گرداں پچھوں “را“ملوث اے، اے ڳالھیں انہاں چھݨ چھݨ کوں وزیراعلی سیکرٹریٹ کوئٹہ اچ نگران صوبائی وزراء کیپٹن (ر) زبیر جمالی،جان اچکزئی اتے شانیہ خان دے رلے پریس کانفرنس توں خطاب کریندیں ہوئیں آکھی۔ انہاں آکھیا جو ہک واری ولا دہشت گرداں معصوم شہریاں کوں ٹارگٹ کرتے عید میلادالنبیﷺ دا جشن مناوݨ آلیاں کوں ہدف ٻݨائے۔ نگران وزیراعلیٰ بلوچستان اتے کمانڈر 12 اعلان کیتے جو مستونگ دھماکے دے زخمیاں دا ہسپتال اچ بہترین علاج تھیسی۔
